பொம்மையும் மனிதனும்

மனித வாழ்க்கை சக்கரத்தில்

எத்தனை விதமான பொம்மைகள்

துள்ளி விளையாடுகிறது.

சக மனிதனைப் போல சம அளவு

உரிமையோடு சுகமாக பேசுகிறது பொம்மைகள்

சிலரது வாழ்க்கை  தலையாட்டும்

பொம்மை போல காலமென்னும்

மகா சமுத்திரத்தில் நீச்சல் போடுகிறது.

பாலுக்கு அழும் குழந்தைக்கு  பால் கொடுக்காமல்

தலையாட்டும் துள்ளி விளையாடும் பொம்மைகள்.

உயிரின் மேல் உயிர் வைத்து விளையாடுகிறது.

பள்ளிக் கூடத்தில் ஆசிரியர் கேள்வி கேட்டால்

அந்த இடத்தில் ஆமாம் என்று

மாணவன் தலையாட்டும் பொம்மையாகிறான்

தாய் மொழி தெரிந்தும் பிற மொழி தெரியாவிட்டால்.

அந்த இடத்தில் கேட்கும் கேள்விக்கு 

தலையாட்டும் பொம்மையாகிறான்.இன்றைய மனிதன்.

உயிர் உள்ளவன் மனிதன். உயிர் அற்றது சடம்

அன்பு பாசம் . கருணை மனித நேயம்.

சொல்லும் சக்தி மனிதனே.

ஆனால் இன்றைய மனிதர்கள் தன் வாழ்நாளை

தலையாட்டும் பொம்மை போல வாழ்கிறார்கள்

விபரம் தெரிந்த காலம் வரை

இறக்கும் போது கூட நாம்  உயிரற்ற.

பொம்மையாக போகிறோம்....

பொம்மை கிடைக்காதெனத் தெரிந்தால்

குழந்தைப் பருவத்தில் நாம் அழுவதைப் போல

எல்லோரும் நம்மைப் பார்த்து

அழுது கொண்டிருப்பார்கள்

இனி இந்த பொம்மை கிடைக்காதென்று

இதுதான் மனிதனின் நிஜ வாழ்க்கையாக மாறுகிறது.

இறுதியில் மனிதனும் பொம்மையாக -மாறுகிறான் .

-நன்றி-

-அன்புடன்-

-ரூபன்-