மனதின் நெருடல்

மனதை கல்லாக்கி

பிறந்த தாயகத்தை மறந்து
கையில் அழகான சுமைப் பொதியுடன்
பன்நாடும் எல்லாம் கூடும் எந்நாட்டில்
முகவரால் ஏமாத்தப்பட்ட நிஜங்கள்எத்தனை
அந்த நிஜங்கள் வரிசையில் நாமும் ஒருவராக
எடுத்த விசா பொய்யா என்ற ஏக்கம்
உறவுகளை பிரிகிறோம் என்ற மன ஓட்டம்

 

 

அன்பான காதலியை பிரிகிறோம் என்ற

உள்ளார்ந்த மன ஏக்கம்

எல்லா நதிகளும் ஊற்றெடுத்து

நாலா பக்கமும் பாய்வது போல

மனதின் ஏக்கங்கள்  கல்லில் மோதும்

கடலலை போல பொங்கி எழுகிறது.

மனதை வாட்டி வதைத்தது ஏக்கத்தின் வலிகள்

எத்தனையோ ஆன்மாக்கள் விடை

தெரியாமல் தினம் தினம் வாழ்கிறார்கள்….

 

கடலும் தூரமும் எம்மை

பிரித்தாழ்கிறது என்றால்

உறவும் நட்பும் பிரிந்தழுகிறது…

அன்பும் பாசமும் காட்டி வளர்த்த

அன்பு தங்கையை பிரிகிறோம் என்ற வலி

பணத்தை தேடி செல்லும் ஒவ்வொரு

மனிதனின் வாழ்க்கையில்

ஒவ்வொரு வரலாறு உள்ளது.

அந்த வரலாறு  கண்ணீர்

எழுத்துக்களால் செதுக்கப்படுகிறது.

 

 

-நன்றி-

-அன்புடன்-

-ரூபன்-